Hierdie winkelsentrum is in Florida, Roodepoort, Gauteng.  In 2007 het daar ‘n brand in die rolprentteater van die sentrum uitgebreek en dit het ander dele van die gebou ook aangetas.  Dit het die gebou se inkomste onder druk geplaas, want alhoewel die gebou ten volle verseker was, kon sekere huurders vir ‘n sekere tyd nie daarin besigheid doen nie.

Die gebou word namens Sharemax deur Hermans & Roman bestuur.  Hulle is optimisties dat die vakante spasie wat in die sentrum bestaan, in die nabye toekoms gevul sal kan word.

Marknavorsing was gedoen om te bepaal watter potensiële nasionale huurders die sentrum verder sal komplimenteer. 

Opknappingswerk aan die sentrum het reeds begin en die mans- en vrouensbadkamers is reeds opgeknap teen ‘n koste van R350 000 en die kantoorblok in reeds klaar geverf teen ‘n koste van R360 000. 

In die volgende paar maande sal die huisbakke vervang word, die hoofingange gaan verander word, die hele sentrum sal binne geteël word en dit sal binne en buite geverf word.  ‘n Palisade heining sal om die sentrum geplaas word vir die verbetering van die sekuriteit.  ‘n Argitek is ook tans besig met die finale uitleg vir verdere aanbouings wat vir die sentrum beplan word.

Nando’s het ons reeds in kennis gestel dat hulle ‘n deurrygerief op Flora se perseel wil bou en dit sal ‘n verdere groei kan lewer.  Spur restaurant het die geboubestuurder in kennis gestel dat hulle graag ‘n restaurant by die hoofingang van die sentrum wil open.

Pick ‘n Pay wil hulle winkel van 4 507 m² opgradeer en dit sal ‘n positiewe inspuiting vir die sentrum wees omdat dit hulle vertroue in die koopkrag by die sentrum bevestig.  Hulle huurkontrak is ook nog vir die volgende vyf jaar geldig, met nog twee opsies om dit elke keer met vyf jaar te hernu.